رائعة : اهل الجنوب والمملكه عموم .. شعر محمد الغيلاني-(13 يونيو 2018)

ماعلى وجهي ملامه ولاني بمعصوم
دامني ماقلت مايغضب الله ذو الجلال
اتنقل بين مغرس فؤادي والكروم
واتهجد تحت قبة……. مع ناس قلال
خير من فوضى حبكها من اغووه الرخوم
واعظم من جنس حياته هدفها جمع مال
ياالله يامن ينوي الشر جعله مايقوم
البلاء صنف من الموت والدعوى ضلال
التهكم صنعة اللي على نفسه يسوم
والعناد اكبر مصيبه وأذل من السؤال
والغبينه إلى دعتك العوايد والسلوم
تتعقب عن صفوف تنادي لك تعال
مايعيب القلب غير التمني والهموم
والهوى إلى عاد رغبه ومذهب وانتحال
والتجاره راس مالي وقسمي ماالقسوم
جعلني ماخسر الى هبت مع ماشري ريال
الزكاه اعظم طهاره لمالي كل يوم
والغناه من التصدق كما غيث المخال
وحقنا يحتاج منا نسد به اللزوم
دون عز ابلادنا مابها عم وخال
الجنوب أهل الاصاله صغار مع قحوم
كل رجل يعدل الفين من صنف الرجال
والجنوب أهل الجنوب المتينات الدحوم
تدحم المخطي على قبره اترابه يهال
غامد الهيلا وكل القبايل له لزوم
طال عمر ه او قصر لا تغاضي لاجدال
كل رجل في بلادي موقر ومحشوم
إلا من طول لسانه وفي الاعراض نال
والولاء لله ثم الوطن خل الحلوم
ماتحقق رؤية …ولا تحقق لك محال
كلنا نبغى الحياة الرغيده ياغشوم
لكن الجاهل امانه….. حياة الانعزال
مسلمين ونعرف الحق مانحتاج لوم
عندنا مصحف ودستورنا ماالله قال
ماحد بوصي علينا ولا يفرض علوم
دولة التوحيد تعرف حرام من حلال
واهل الفتنه الى عودت قوم بقوم
صبر ساعه يجلب النصر ويبيد الضلال
والبلاد مع العباد احتمت بالله دوم
ثم برجال ولاهم علينا فرض حال
ياوطن من كبر اسمك فلا يحتاج زوم
والايمان اكبر فضيله والامن اكبر منال
الله ياالشعب السعودي يلوم اللي يلوم
ناكر المعروف…… ماهمنا طرده حلال
جعل يفدى موطني كل من وجه سهوم
وجعل يفدى موطني كل حوثي وملال
الولاء لله ثم الملك دايم يدوم
بيعة لله فيها رضى وبها احتفال
والكفوف اللي تشابك مايلحقها رسوم
والتشرذم والتحزب بداية الانحلال
كان في صف الصفوف الغبيه كل بوم
والله انا صف واحد ملايين الرجال
جعلني ماعدم عضودي الى حان الرزوم
دون ما نحمل ونكفل تجنبني الوبال
ايه ياالشعب السعودي ويا قرم القروم
انتم الدرع الحصينه تسدون الخلال
جعلني ماشوف مطلق يناظر في السموم
من شفايف تنفت السم واغلبها رخال
الخلاء ثم الخلاء ياالمناكيس الزلوم
دونكم من يكتم العهر ويبيد الارسال
انتهى وقت التغاضي شبعنا عالعموم
كل من طول لسانه كففناه بنعال
عاد وقت الحزم والعزم مع دق الخشوم
ماكملنا لكن العز بالله والكمال
السعوديه بلاد الحرم وبلاد صوم
ماتجاهر بالمعاصي ولا قيل وقال
ارفعوا صوت المأذن ترى مافيه نوم
المساجد عامره تتهجد لذو الجلال
خل ناس في غواها وللفتنه تحوم
شعبنا شعب الكرم والفضيله والنضال
سود الله وجه بعض من يتسمون النجوم
لالهم مذهب ولا عندهم غيره ( رغال)
في جنوب المملكه ناس ورجال تروم
عن حمانا والمهابيل تفرح بالهبال
ناس في ناقورها الخير للأمه لموم
وناس في طنقورها الشر والدم المسال
ملة الكفار وحده ولاهي بالحجوم
جعلهم للنار يالله عساهم للزوال
انتهى العود المدخن تولته الغيوم
وانكشف سر العماله وجبنا له شوال
جمعوا ياشعب كل البقايا والطقوم
الرديه وادفنوها تحت طعس الرمال
واعتزوا بالله ثم الملك سلمان دوم
ومحمد شبل سلمان حمال الثقال
ياالله احفظ مملكتنا ياحي ياقيوم
وارفع الرايه ياواحد عليك الاتكال
محمد الغيلاني بلجرشي

 

أترك تعليق